郊遊好去處~錦田雷公田~元朗河背水塘

噚日天氣真係好，

微風涼快又出太陽，

最適合就係去郊遊喇!

我哋一行九人，

去元朗大榮華旁(泰衡街)嘅投注站搭72號綠色專線小巴，

到總站錦田雷公田下車，

沿路行去元朗河背水塘。

行入去10~15分鐘左右，

就會見到出名嘅農場鮮奶，

裡面有鮮奶、薑汁撞奶和多款小食賣架，

不過我哋就冇入去參觀，

繼續行程。

見到附近有幾個小型燒烤場，

如果有車嘅話，

入嚟BBQ都唔錯架!

沿途兩旁都有樹蔭，

高處遠望錦田風景，

靚呀!

經過清潭水塘，

感覺好舒服啊!

經過小型瀑布後，

我哋到達河背露營場，

係涼亭休息咗一陣，

就要行條大斜路上河背水塘喇!

河背水塘家樂徑，

我哋冇繼續行喇，

原路回程落去青協有機農莊參觀一下，

就繼續行落河背村，

搭71號綠色專線小巴回元朗了，

全程我哋都行咗4個鐘頭左右架!

出一身汗，

舒服哂呀!

由雷公田行去河背水塘冇咩好???

呢條路線係先甜後苦，


雷公田入嘅話，

前段平路多，

中段雖然有段小斜路，

但都好輕鬆；

但上河背水塘段斜路較高，

有少少辛苦架!(對我嚟講)

跟住就要由水塘行落河背村呢，

下山路，

行完腳踝有D痛囉!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page