蜜糖雞翼

記得我以前講過大小魔怪係雞翼狂，

KO 2磅雞翼真係話都冇咁易呀!

不過依家剩得我倆公婆食就唔同喇，

起碼要分3次先可以食得完2磅雞翼，

真係要諗下點先可以消滅哂佢哋；

之不過呢，

整呢款蜜糖雞翼就係簡易架啦!

材料: 雞翼8隻、蜜糖半湯匙、parsley碎少許(可以唔落)

醃料: 豉油1湯匙、鹽半茶匙、生粉1茶匙、麻油少許、蜜糖半湯匙

做法: 雞翼解凍後，落醃料醃2小時或以上(醃越耐越入味)；

從雪櫃取出雞翼放室溫半小時或45分鐘；

預熱焗爐180度15分鐘，將雞翼放入焗盆內，

先焗冇雞皮果面15分鐘，反轉焗另一面15分鐘，

最後搽蜜糖再焗多5分鐘便成。

~每個焗爐爐溫唔同，可自行調較溫度高低。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page