胡椒雞腳排骨湯

呢排係街市見到D蘿蔔好鬼靚，

個個圓碌碌、脹卜卜，

最啱買嚟炆餸和煲湯架啦!

今次用嚟煲胡椒雞腳排骨湯，

飲完成身暖笠笠，

好正架!

材料: 蘿蔔1個、雞腳10隻、排骨$35、胡椒粒2湯匙、薑3片

做法: 雞腳出水後去甲備用；排骨洗淨後出水，加少少鹽醃2小時；

蘿蔔去皮滾刀切件；白鑊(即不落油)先爆香白胡椒粒至出香味，

倒出將胡椒粒略拍碎；凍鍋落油先煎香薑片，

加蘿蔔炒數十下，落雞腳、排骨、胡椒粒和6碗熱水，

煮至翻滾後，轉細火慢慢煲1.5小時，最後加鹽調味便成。

(呢個係2人份量嚟架!)

大家可以入嚟Facebook讚下我新開嘅Fans專頁呀!
 

雀后(添飯)Facebook Fan Page