返鄉下

一連3日返咗惠州，

以為可以避開香港呢幾日嘅黃雨啦!

點知星期六中午返到惠州，

已經開始落大雨，

仲越落越大添呀!

求求其其搵間小店食午餐，

呢度真係經濟實惠，

4個餸+蘿蔔湯+飯，

都係56蚊人仔，

湯和飯係任添食架!

(不過店名唔記得影)

晚上，

朋友帶我哋入村食飯，

專登帶我哋去飲田螺湯，

食家鄉餸菜呀!

星期日，

我哋去咗探堂妹，

係附近搵咗間自助任食韓國燒烤，

全包每人42蚊人仔，

超級抵食呀!

落大雨，

我哋都唔想出街，

所以我哋自己煮飯食，

買咗超新鮮豬粉腸，

用嚟煲蘿蔔排骨粉腸湯，

呢啖湯真係好鮮甜，

嘻，

我都忍唔住口食咗幾條粉腸，

一D異味都冇，

好食呀!

食完飯，

朋友call我哋去唱K，

由於星期日晚冇特價，

啤酒水果和小食套餐168蚊人仔，

4個人唱到唔捨得走，

我啱啱唱到興起就話要走，

真係有少少唔開心囉!

下次返嚟都係要早D嚟唱過夠本先得!

今朝早上又落起大雨，

見雨停咗就去咗市場食早餐，

今次試新店，

D嘢食又唔錯喎!

點知食完嘢又開始落大雨，

買咗少少嘢就返屋企，

執完屋就返香港囉!

豆角2蚊、粟米3蚊、茄子1.5、花生7.5、蕃薯乾8蚊、綠豆7蚊。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page