近期瓜瓜菜菜價格比新年時已經平番好多，
記得上星期街市買節瓜$5有5小個，
今次就$5有3大個，
真係平到唔買唔得囉!
呢餐用咗2個嚟炆排骨，
剩番果個節瓜整咩好呢???
材料: 節瓜2個、飛排排骨$25、冬菇14隻、薑2片、紹酒少許、2碗水
醃料: 豉油1湯匙、糖1茶匙、生粉1茶匙、麻油少許
調味: 蠔油1.5湯匙、豉油半湯匙、老抽少許、冰糖適量
做法: 飛排排骨洗淨後用醃料醃1小時；冬菇浸軟去蒂備用；節瓜去皮切件；
凍鍋落油燒熱，加入薑片和排骨略煎兩面，落埋冬菇爆香後贊少許紹酒，
加入調味和2碗水炆至排骨30分鐘後(滾後轉小火)，
加入節瓜煮至瓜腍便成(約15分鐘左右)。
~炆排骨我鐘意買飛排排骨，因為佢炆一陣已經好腍滑，至於買一字排或腩排的話，炆嘅時間可以會比較耐少少喇!
呢味餸方便美味，唔层落肉都好味。
回覆刪除係呀，就咁節瓜炆冬菇都好好食架!
刪除我今晚都係食節瓜,不過用來煲湯呢
回覆刪除節瓜湯，我又要飲呀!
刪除請問為何飛水後醃？
回覆刪除唔係飛水呀，飛排排骨係排骨嘅一種，D肉特別涌和腍身，用嚟炆、炒都好好食架!
刪除呢個想煮添。
回覆刪除哈哈，煮啦，送飯一流架!
刪除我唔煮啦，過你度食
回覆刪除等妳開飯呀!
刪除依家的菜價先係正常。
回覆刪除果排要捱貴價菜，真係搵唔到幾多斧頭錢架!
刪除我喱幾時都食好多節瓜，切得大大舊煲魚湯都好好食架。
回覆刪除節瓜湯，我都好想飲呀!
刪除