今晚小魔怪會由英國返嚟香港逗留一個月，
佢話好耐冇飲過老火湯喎!
得得得，
煲湯我至拿手，
今日就煲咗菜乾甘筍咸鴨腎豬腱湯，
呢個湯有清熱潤肺等功效架!
材料: 菜乾適量、甘筍2條、咸鴨腎3個、豬腱$40、蜜棗4粒、南北杏1湯匙
做法: 菜乾浸軟去蒂；豬腱出水後用1茶匙鹽醃1小時；
咸鴨腎洗淨備用；甘筍去皮切件；
燒熱10碗水加入所有材料煲1.5小時(大火滾後轉小火慢慢煲)，
取出咸鴨腎切片放回煲內煲多30分鐘，按個人口味加鹽調味。
(我冇加鹽因為已經夠咸啦!)
真係要整多啲好嘢俾二少嘆下啦
回覆刪除佢已經講咗好多好多想食嘅餸，我已經排緊隊煮俾佢食架啦!
刪除雀后真係要煲多d老火湯俾小魔怪潤潤呢
回覆刪除係呀，依家要勤力D煲湯俾佢飲先得囉!
刪除執幾個湯包比佢拎過去啦
回覆刪除我驚佢懶，唔會自己煲呀!
刪除小魔怪返來，有好餸食啦！
回覆刪除佢要求多多，我盡量試下滿足佢啦!
刪除請問點解要用鹽醃百嘅?:)
回覆刪除因為我哋會食埋湯渣，而醃咸咗嘅豬腱肉用嚟煲粥或煲湯後，豬腱咸咸哋，好好食架!
刪除