素雜菜湯

大魔怪由宿舍返咗嚟屋企都成個星期，

今日就煲番個素雜菜湯俾佢飲啦!

其實呢個素雜菜湯我都成日煲架!

蕃茄、薯仔、甘筍和椰菜係必落嘅，

有時我仲會加埋南瓜、西芹和洋蔥添，

所以話煲雜菜湯，

真係妳想點煲都得架!

不過點煲都好，

都要加片薑落去一齊煲，

感覺冇咁寒涼呀!

材料: 蕃茄4個、薯仔2個、甘筍2條、椰菜半個、2片薑

做法: 將蕃茄洗淨切件；甘筍和薯仔去皮切件；椰菜切片；

落少許油先炒香薑片和蕃茄後，加入薯仔、甘筍、椰菜和6碗熱水煮滾後，

轉小火慢慢煲1小時後加鹽調味便成。

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page