香草黑椒焗雞扒配牛油粟米粒

呢幾日真係超級熱，

日日都起碼成32~33度，

如果屋企唔開冷氣真係好似焗爐咁架!

咁熱，

我又唔想煮飯，

懶得就懶嘛，

不過懶都要食嘅，

開個焗爐焗件雞扒，

炒個牛油粟米粒代替飯，

焗到塊雞皮鬼脆，

大家啱唔啱食呀???

香草黑椒雞扒

材料:雞扒2塊、蒜蓉1湯匙

醃料:鹽1.5茶匙、雜香草1茶匙、黑椒碎少許、老抽少許

做法: 雞扒解凍後用廚紙抹乾水份，加醃料和蒜蓉醃起碼半日或以上；

預熱焗爐220度15分鐘(上火)，將雞扒(冇雞皮)放在鐵架上焗20分鐘；

反轉焗另一面(有雞皮)10分鐘便成。

(由於各爐溫度不一，請自行調較!)

牛油粟米粒

材料: 粟米粒1罐、三色椒各色1/4個、牛油少許、鹽少許

做法: 粟米粒隔去水份及沖沖水後瀝乾水份備用；

燒熱鑊落牛油煮溶後，加入粟米和三色椒快炒至乾身，

鹽少許鹽調味便成。

~想用新鮮粟米粒都得，先烚熟粟米後拆粒，咁就可以用嚟炒架啦!

   

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page