雙冬瑤柱肉粒咸蛋湯飯

天氣熱辣辣，

入廚房煮完餐餸，

真係會哂胃口架!

所以今餐滾咗個雙冬瑤柱肉粒咸蛋湯，

加埋半碗飯，

呢個湯飯濕濕哋，

有瓜有肉又有湯，

我鐘意呀!

材料:冬瓜2斤、冬菇12隻、瑤柱碎適量、梅頭肉$25、咸蛋1隻、蜜棗3粒

醃料:豉油1茶匙、糖半茶匙、鹽半茶匙、麻油少許

做法:冬瓜去皮切粒(留冬瓜皮)；冬菇浸軟去蒂切粒；

梅頭肉切粒後，用醃料醃半小時；燒熱8碗水，

將冬瓜、冬菇、瑤柱、肉粒、咸蛋黃和蜜棗煲1小時，(大火滾後轉小火)

最後加埋咸蛋白攪勻，隨個人口味加鹽調味。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page