幾可亂真~欖菜乾扁素四季豆

今個星期大魔怪開始返暑期工，

日日都早出晚歸，

唔想俾佢有任何壓力，

唯有煮多D好嘢俾佢食啦!

材料: 四季豆1包、素火腿蓉適量、欖菜2茶匙、蒜蓉

調味: 鹽和糖各1/4茶匙

做法: 四季豆去頭、尾和根，切段後洗淨用廚紙索乾水份；

落油將四季豆泡油至兩面微微黃後(我分咗4次泡油)，放在廚紙上索油；

燒熱油鑊爆香蒜蓉、欖菜和素火腰蓉， 把四季豆回鑊，

加2湯匙水將所以材料快炒至乾身後，落少許鹽和糖調味便成。

~~四季豆泡油時，油唔需要多，浸過豆一面就得啦!

~~唔想泡油，將四季豆出水都可以架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page