蝦仁炒蛋

突然間有人話返嚟食飯，

唔使諗咁多，

整碟蝦仁炒蛋就最啱喇!

快靚正嘛!

冬菇臘腸雞肉煲仔飯

雜貨舖開始有臘腸賣，

即刻買咗三孖嚟試下；

首選就係用佢嚟整煲仔飯，

食到小魔怪Lam Lam脷添呀!

西餅、蛋糕製作精選實習班(十)~第六堂

美式冬甩、西班牙肉桂條&炸雪糕；

今堂全程都係開油鑊炸，

攪到成間房都係油煙味，

哈哈，

呢幾款肯定唔會係屋企自己整囉!

咖哩炒飯

呢個咖哩炒飯，

冷飯、急凍蝦仁、午餐肉(半罐)、菜芯、雞蛋和咖哩醬(利川)，

所有材料都雪櫃度摷出嚟架!

嘻，

今餐打斧頭計劃，

又成功了。

青紅蘿蔔粟米無花果南北杏陳皮豬展湯

雖然話晚晚剩得我和老公食飯啫，

但我都會照煲湯水架!

小魔怪就最鐘意飲湯，

有時佢會用飲湯兼食湯渣做早餐，

一D都唔嘥嘢架!

沙茶沙葛炒肉絲

平時煮開大茶飯嘅我，

突然間剩底我同老公食飯，

真係好難諗食咩餸架!

今日就整碟小炒，

有菜有肉，

簡簡單單咁啦!

素湯~蓮藕栗子甘筍黑豆湯

呢個素湯係專登煲俾入咗宿舍住嘅大魔怪飲架!

佢朝早whatsapp我話返嚟食飯，

攪到我拿拿臨去街市買材料煲湯，

亞仔，

唔該下次早一晚講定啦!

等我唔使咁趕嘛!

日式豚肉生薑燒

豚肉即係豬肉；

今日煮咗日式豚肉生薑燒，

我用咗平時買開嘅豬肩肉，

因為我鐘意佢咬落夠哂爽口，

唔用豬肩肉都得，

用火鍋豚肉片或豬頸肉都可以架!

衝動

是咁的，

工人姐姐差不多嚟咗二十二個月，

仲有2個月就到期；

因奶奶已申請到盲人安老院，

所以我哋都唔會同佢續約，

打算等佢自然滿約就算；

可惜近呢大半年開始，

家裡開始唔見錢，

小則100幾十蚊，

大則3000人民幣都有，

我哋已經加強防範，

貴重嘢都唔敢擺係屋企；

但人性真係好難測，

今朝小魔怪又唔見錢，

我明明朝早都見有$400係佢袋，

仲提佢擺好D錢，

點知轉頭已經唔見咗$100，

太太太過份啦!

即刻返屋企問佢，

佢仲扮傻話唔知，

仲話我有錢呀，太太，

激到我呢，

唔使講咁多，

即炒!

老公話我衝動咗，

但我條氣唔順，

成日俾佢偷錢，

又捉唔到，

冇證據又唔可以報警，

唔想夜長夢多，

驚佢又繼續偷偷偷呀!

至於小魔怪都有俾我勁駡架，

唔管理好佢自己D嘢(錢)，

隨處亂放，

簡直引人犯罪呀!

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page

芽菜薑蔥手撕雞

今日係重陽節，

指定活動緊係登高拜山啦!

拜山用的雞，

就做咗我哋嘅晚餐啦!

西餅、蛋糕製作精選實習班(十)~第五堂

話咁快又到咗第五堂，

今堂學整松露朱古力和倒模朱古力，

咪睇好似整得好靚，

查實我哋雞手鴨腳

得個樣架咋!

茶樹菇冬菇炆豬腩肉

之前買咗好多茶樹菇，

唔用嚟煲湯，

咁就用嚟炆都好好食架!

茶樹菇有降低膽固醇、利尿、防癌、抗衰老等功效!

柱候蘿蔔牛筋腩

今朝買餸時見到白蘿蔔個個圓碌碌，

好鬼靚呀!

就用佢嚟整柱候蘿蔔牛筋腩煲啦!

當爆緊牛腩時，

引到小魔怪即刻走入廚房問做咩咁香???

今次佢有口福喇，

佢仲話一定要食埋午飯先去返工喎!

榨菜雲耳蒸雞絲

台灣榨菜淡口兼夠爽脆，

噚晚用咗半個炒沙葛，

今日就用埋佢，

加埋雲耳一齊蒸雞絲，

開飯喇!

素炒雜錦

今餐好想食素，

簡簡單單一碟素炒雜錦，

清清哋，

好送飯啊!

蕃茄薯仔豬筒骨湯

今朝去百佳買餸，

豬肉佬專登叫住我話有舊豬筒骨好靚，

仲話平少少賣俾我添!

咁益我，

唔買都唔得啦!

豬筒骨充滿鈣質，

用嚟整豬骨煲就最啱啦!

見到筒骨內的骨髓，

嘩，

諗起都想食呀!

試食~古法浸南王雞&香煎南王雞雞蛋

多謝南王雞國際公司的邀請，

試食用天然飼料、無激素、抗生素和色素飼料的南王雞，

和純天然、無添加的南王雞雞蛋；

今次用最簡單嘅方法~古法浸雞，

去試一下南王雞的味道!

西餅、蛋糕製作精選實習班(十)~第四堂

今堂整香橙松露朱古力蛋糕；

哈哈，

點解搵勻一D松露都冇架，

其實就係用咗蜜餞香橙代替咗，

不過朱古力味蛋糕，

就啱哂大小魔怪和我口味喇!

秋遊~惠州

10月9日星期五，

今日我、老公和姑奶3個返惠州，

去到惠州就係附近搵食，

叫咗個套餐有蒸魚、雞和菜，

仲有例湯添，

再點多3個點心，

咁就146蚊人仔。

粟米魚肚肉碎羹

冷宮(雪櫃)雖然細，

但摷下摷下都會搵到寶架!

今次就俾我搵到包魚肚啦!

噚晚見人少食飯，

用佢嚟滾個粟米魚肚肉碎羹，

快靚正，

好味!

(我超like落勁多胡椒粉一齊食呀!)

西餅、蛋糕製作精選實習班(十)~第三堂

法國金融家蛋糕&Linzer撻，

唔使講，

我鐘意呀!

檸檬雞翼

見仲有大半個檸檬係雪櫃，

今日就攞嚟整檸檬雞翼。

參考咗Gigi姐黃淑儀嘅做法，

配上自己調嘅味道，

哈哈，

呢個就係朱家檸檬雞翼啦!

豉椒鳳爪

哈哈，

今日啜雞腳趾，

有冇人陪我食呀???

蒜香黑椒香草焗雞扒

好鐘意用焗爐焗雞扒，

一方面唔使開火煎或炸，

個廚房就冇咁熱和油淋淋；

另一方面就係塊雞皮焗到脆卜卜，

一滴油都冇呀!

南乳蓮藕豆腐卜炆豬軟骨

早早炆定煲南乳蓮藕炆豬軟骨，

咁就3號風球都唔怕使冇嘢食啦!

夜晚食時加埋豆腐卜落去一齊炆多一陣，

豆腐卜索哂D南乳汁，

嘻，

我又要添飯啦!

素湯~猴頭菇茶樹菇腰果湯

 

大魔怪話想飲湯，

 

好彩屋企有齊材料，

 

即刻煲，

 

好快有得飲啦!

 

國慶節快樂

今日國慶節假期，

母親大人和妹妹一家嚟探我哋，

下午開枱，

晚餐就由我親手煮，

唔講咁多，

開飯啦!