醬爆魷魚鬚

 

今日去佳寶，

 

見到D魷魚鬚都幾靚，

 

於是買咗pack嚟食下啦!

 

呢碟餸，

俾我同小魔怪2個人食哂咁濟，

嘻嘻，

又唔係成日食，

 

膽固醇，

 

應該唔怕掛!
 

 

 

 

 

 

材料: 魷魚鬚1磅、三色椒每色半個、洋蔥半個、蒜蓉、

 

乾蔥片、紹酒少許

 

調味: 海鮮醬1湯匙、辣豆瓣醬半茶匙、豉油1湯匙、

 

糖1茶匙、粟粉水1.5茶匙、水3湯匙

 

做法: 魷魚鬚洗淨每2條切開；三色椒切件；洋蔥切絲；

 

將所有調味放入碗中攪勻備用；燒熱滾水熄火，

 

加入魷魚灼一灼(少少轉色)撈起，沖沖水後去魷魚皮及用廚紙索乾水份；

 

燒熱油鑊爆香乾蔥片和蒜蓉，落三色椒和洋蔥快炒，

 

落魷魚鬚後贊酒，加入調味快炒至汁濃便成。

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page