日式豬軟骨

 

骨肉分離啊!

 

拿拿拿，

 

我唔係講衰嘢呀!

 

我係指係D豬軟骨咋；

 

今朝早炆定個豬軟骨就出街，

 

返嚟就加埋其他配料落多，

 

咁又攪掂一個餸啦!

 

炆到連軟骨都可以食埋，

 

正呀!

 

 

 

材料: 豬軟骨2磅、洋蔥半個、薯仔1個、甘筍1條、薑片、蒜蓉、

 

乾蔥2個(切片)、蔥絲、紹酒少許

 

調味: 日本醬油3湯匙、味醂2湯匙、米酒1湯匙、

 

冰糖碎1湯匙(可自行加減)和3碗水(或蓋過豬軟骨面)

 

做法: 豬軟骨解凍；薯仔、甘筍和洋蔥去皮切件；

 

燒熱水加入薑片、蔥段、紹酒和豬軟骨出水20分鐘，洗淨備用；

 

凍油落鍋加熱，爆香蒜蓉、乾蔥片和豬軟骨，加入調味和水煮滾後，

 

轉最細火慢慢炆1個半小時熄火後唔好開蓋繼續焗；

 

(記得要留心唔好乾水，如果乾水嘅話加熱滾水)

 

飯前煮熱豬軟骨，加入洋蔥、薯仔和甘筍煮多20分鐘，加入蔥絲裝飾便成。

 

(隔夜食豬軟骨仲入味呀!)

 

 

(如用其他煲炆的話，水份可能要加多1~2碗啦!)

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page