香煎蓮藕餅

 

噚日母親節晚餐，

 

整咗蓮藕餅，

 

今次用咗豬肉和魚肉兩溝，

 

彈牙又爽口，

 

好味道呀!

 

材料: 蓮藕1大節、豬肉碎半磅、魚肉$10、冬菇12隻、蝦米2湯匙、

雞蛋1隻和蔥粒

調味: 豉油1.5湯匙、鹽半茶匙、糖和粟粉1茶匙、麻油和胡椒粉各少許

做法: 冬菇浸軟後切碎；蝦米浸軟備用；蓮藕去皮刨絲後放入大碗中，

加入豬肉碎、魚肉、冬菇、蝦米、雞蛋和調味攪勻後，撻肉餡十數次，

放入雪櫃雪1小時左右；取出蓮藕餡後，加入蔥粒拌勻；

燒熱易潔鑊落油，將蓮藕餡用手搓成圓形壓平，

用中火慢慢煎一面金黃色後，先反轉煎另一面，至兩面金黃色便成。

(只要沾少少水係手心，咁搓餡料時就唔會黐手架啦!)

(呢個蓮藕餅份量頗多，可以分兩餐食，所以記得食前先好撈蔥，

因為撈咗蔥會出水架!)

 

大家可以入嚟Facebook讚下我新開嘅Fans專頁呀!

 

 

雀后(添飯)Facebook Fan Page