雜錦素餃子

 

呢排大魔怪成日話減肥唔食嘢，

 

1日只食1餐都話唔餓，

 

攪到做亞媽嘅我不知幾擔心，

 

驚佢患咗厭食症呀!

 

好彩佢仲識話想食餃子，

 

我緊係唔會say no啦!

 

今朝拿拿臨開工包素餃子!

1斤餃子皮包得72隻，

唔夠食添!

整咗湯餃子配烏冬和煎餃兩款，

仲溝埋個糖醋豉油辣油汁，

啱唔啱食呢???

用咗桂林辣椒油，

辣到出哂汗都要食呀!

 

 

材料: 白菜、冬菇、蘑菇、甘筍、馬蹄、木耳、蛋、紹酒、

蒜蓉、薑蓉和乾蔥蓉

調味: 素食蠔油2湯匙、鹽1.5茶匙、糖1茶匙、麻油少許和3湯匙水

做法: 冬菇和木耳浸軟備用；將所有材料逐一切成粒狀；

將蛋快炒切碎備用；燒熱油鑊先爆香蒜蓉、薑蓉和乾蔥蓉，

落冬菇和蘑菇快炒，贊少許紹酒去菇味，跟著落甘筍、馬蹄和木耳，

落調味炒勻後，加白菜快炒數十下上碟，拌入雞蛋碎，

待餡料涼後就可以包餃子啦!

想煎到個餃子底有個網咁樣，咁就要係煎餃子時，

將1.5茶匙麵粉加1碗水攪勻， 倒入煎pan內加蓋焗6-8分鐘，

待水蒸發後， 就會出現呢個脆卜卜底o架!

 

大家可以入嚟Facebook讚下我新開嘅Fans專頁呀!

 

 

雀后(添飯)Facebook Fan Page