雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年5月30日星期五

20分鐘湯水~節瓜咸蛋白肉片湯

噚日包糭用咗22隻咸蛋黃，

咁D咸蛋白點算好???

留起其中4隻咸蛋白，

用嚟滾湯或蒸餸都煮好吖!

網友笑說近排一定好多賢妻滾呢個湯水，

嘻嘻，我是其中的一位啊!

材料: 節瓜3個、梅頭豬肉$20、咸蛋白2隻、薑片、8碗水、鹽適量

醃料: 豉油1湯匙、糖1茶匙、胡椒粉、麻油和油各少許

做法: 豬肉切片用醃料略醃30分鐘；節瓜去皮切件；

燒熱水，加入薑片、節瓜和肉片滾20分鐘，熄火落咸蛋白攪勻，

加鹽調味便成。(記得試味後先好加鹽，唔係就可能太咸啦!)

(如果落成隻咸蛋嘅話，咸蛋黃要同節瓜肉片一齊落去滾呀!)