客家釀豆腐

 

做客家新抱成廿年，

 

都好少煮客家菜，

 

今次就整呢個啦~客家釀豆腐；

 

咪睇佢好易整，

 

最難就係煎豆腐，

 

因為豆腐好易散，

 

一定要慢火慢慢煎，

 

切忌心急呀!

(客家豆腐嘅精髓~豬肉碎係要用乾蔥頭和咸魚攪勻o架!)

材料:有機硬豆腐2盒、豬肉碎$20、乾蔥頭2個、梅香咸魚1/2件、

蔥粒、粟粉

醃料: 豉油1湯匙、糖1茶匙、粟粉1茶匙、麻油少許、2湯匙水

調味: 蠔油1湯匙、豉油大半湯匙、老抽少許、糖1茶匙、

大半碗水和粟粉水少許

做法: 將豬肉碎、乾蔥蓉、梅香咸魚(搓蓉)和醃料醃1小時，

硬豆腐切件後，用匙羹在豆腐中間位置挖個洞，

搽少少粟粉係豆腐洞內，將豬肉餡釀在豆腐內，

燒熱易潔鑊煎豆腐有肉餡部份，煎至上色後轉煎另一面後上碟備用，

把豆腐轉入LC22cm鍋內，加調味和大半碗水炆至汁濃，最後灑上蔥粒便成。

(釀豆腐用咗肉餡唔係好多，剩番的可以釀豆腐卜呀!)

   

 

 

大家可以入嚟Facebook讚下我新開嘅Fans專頁呀!

  

 雀后(添飯)Facebook Fan Page