雜菌豆腐煲

 

好驚險呀!

 

噚晚本來用個瓦煲煮呢個豆腐煲，

 

點知煮煮下佢開始裂開漏汁，

 

即刻拿拿聲換番個LC煲，

 

唔係煮完拎起先裂嘅話，

 

今日應該見唔到我囉!

材料: 有機硬豆腐1盒、冬菇5隻、蘑菇片半罐、粟米芯3條(罐裝)、

娃娃菜1棵、蒜蓉、蔥粒、紹酒少許和1.5茶匙粟粉水

調味: 素食蠔油2湯匙、豉油1湯匙、老抽半湯匙、糖1茶匙和大半碗水

做法: 冬菇浸軟後切絲；粟米芯切段；娃娃菜洗淨切段；

豆腐切件，落易潔鑊略煎豆腐兩面至金黃色上碟備用；

落油爆香蒜蓉、冬菇、蘑菇片和娃娃菜快炒，贊紹酒和落調味煮至菜熟，

加粟粉水煮至汁濃後，加入豆腐攪勻煮多1分鐘，最後灑蔥粒便成。

 

大家可以入嚟Facebook讚下我新開嘅Fans專頁呀!

 

 

雀后(添飯)Facebook Fan Page