講明，
呢個真係2013最後一炸~炸南瓜片&茄子，
咁2014就可以另計喇!
今晚有節目，
我同老公會去姐姐家BBQ，
祝大家元旦快樂!
除咗冰箱凍肉要清外，
連雪櫃裡藥材都要清減D呀!
簡簡單單煲咗個藥材湯水，
補氣、健脾、補血養心、明目，
嘩，咁多好處，
快D飲番碗先得!
哈哈，
晨早流流唔知挑起條咩筋~好想食炸春卷，
拿拿臨買齊材料開工；
今次唔落肉，
整素春卷呀!
年青人即係年青人，
放假唔係出街就係留係屋企打機，
日日玩到夜一夜都唔瞓，
朝早都唔使旨意見到佢一面；
早餐午餐下午茶一齊食，
呢D咪叫做青春囉!
聖誕終於過咗，
嚟緊又就嚟到元旦；
唔想餐餐大魚大肉，
襯呢段時間，
聖誕日整嘅蘑菇湯係自家製的，
由於大魔怪唔係屋企食飯，
所以個湯加咗雞湯，
素食人仕就唔好落雞湯，
落水煮就得啦!
每年聖誕節，
我哋家人都會舉行一個小型聖誕扒地；
每個家庭整2~3款餸菜一齊食，
飯後又有交換禮物活動，
可惜今年大小魔怪都冇參加，
少咗一份熱鬧呀!
今日幸運之神眷顧我和老公，
天水圍雙煞又重現江湖啦!
今日係平安夜，
本來以為得我哋3位老人家係屋企過節，
點知小魔怪冇約朋友去玩，
留係屋企陪我哋食小型平安夜晚餐呀!
今日約咗舊同事飲茶、摘菜和BBQ，
真係由朝玩到晚，
盡興啊!
今日係冬至，
母親大人和妹妹一家都嚟齊齊過節，
最快靚正食法緊係打邊爐啦!
今次食得健康，
剩係用咗甘筍蓮藕粟米煲咗個湯底(加鹽調味)，
好鮮甜啊!
昨日我、老公和姑奶齊齊返惠州，
飲飲食食之餘，
而買咗一大堆手信返嚟呀!
今朝起身得7度，
真係超想繼續留係被窩度瞓多陣；
連日鼻敏感發作，
鼻水長流，
好辛苦啊!
我嘅口味真係好似父親大人，
喜歡吃濃味的餸菜；
細細個時，
每當母親大人煮南乳炆豬手，
我肯定可以食兩碗飯，
好懷念啊!
哈哈，
還掂都係，
今次用個大鑊炆，
落雨落咗成晚，
到依家都未停過；
今朝又風又雨，
真係唔願起身，
起身後又唔想落街買餸添!
懶筋又發作，
煮個雜錦煲暖暖身先得!
冬天有碗熱辣辣嘅熱湯飲，
真係好溫暖架!
一早落街買哂材料，
煲定靚湯，
俾我心愛的人飲呀!
前兩日執廚房，
俾我摷番個飛碟機出嚟，
大大話話呢部機冇十年都有八年，
仲未壞，
唉，
冇得買新機添!
12月就嚟過咗一半啦!
仲有十零日就聖誕節，
大家有冇節目呀???
我就未有著落，
今年應該冇得出外玩，
要留係屋企過啦!
天寒地凍，
我家三個男人指定話要食沙律，
仲話沙律可以當飯食都得喎!
唔係嘛，
沙律當飯食???
咁我咪要整座沙律山先夠佢哋食???
都係求求其其整個薯仔沙律應酬下佢哋先得!
呢幾日天氣涼涼哋，
又係食殘忍煲仔飯嘅時候啦!
今朝做完瑜珈拿拿臨去街市買新鮮牛肉，
加埋我最鐘意嘅馬蹄粒，
真係要食多幾碗嘆下先得啦!
本來想落生蛋，
不過依家風頭火勢(H7N9)，
都係焗一焗佢穩陣呀!
好鐘意用呢包印尼粉整粟米餅，
咩調味都唔使加，
只要落蛋、水、粟米和蔥花攪勻就得，
工人姐姐話，
呢包粉仲可以用嚟炸蝦、雜菜、薯仔和豆腐添!
炸出嚟嘅質感係粟米餅邊邊係脆脆的，
但內裡是軟軟的，
好特別啊!
我哋有肉骨茶飲，
咁大魔怪飲咩呢???
所以整咗個南瓜素湯俾佢，
慳慳哋將麵包切粒粒兼焗得燶燶哋，
配埋一齊食又幾正喎!
噚日煲咗肉骨茶，
用咗姐姐係新加坡買俾我嘅手信~松發肉骨茶；
同我平時飲開嘅肉骨茶有好大分別，
好香胡椒味，
啱我呀!
我冇落醬油和醬清，
(我諗應該係蠔油和豉油)
加鹽已經好好味道啦!
今日興致勃勃地同老公揸車，
諗住入大棠郊野公園睇紅葉，
點知超多人兼多車，
塞車塞咗好鬼耐，
條路又窄，
D人又亂咁泊車，
警察嚟到又唔抄牌，
攪到老公鬼死咁慶，
嘈都冇用，
掉頭返屋企囉!
心肝有好嘢食，
咁命椗都要好好照顧架!
星期六、日，
大魔怪最多時間留係屋企食飯，
平日都係街外食，
佢食素有咩好食???
佢話多數係麥記食蘋果批薯條，
陰公囉，
邊有營養架!
我好鐘意食蟹架!
有方便嘅新鮮蟹肉罐頭嘅出現，
啱哂我呢個懶咬殼的人，
Yummy yummy!
今次又整咗椰奶芋頭雞俾佢嘆下；
佢見到不知幾開心，
仲問: 媽咪，點解妳對我咁好嘅???
仔亞仔，
一個係我心肝，
一個係我命椗，
唔錫你哋錫邊個呀!
又到清雪櫃冰箱嘅時候啦!
唔清邊有位再入貨吖，
今次要清嘅係牛展；
鹵水牛展成日食，
今次改用黃咖哩，
以前食雞翼，
煮哂2磅都未必夠大小魔怪食；
依家???
2磅雞翼要分兩餐，
變相慳慳慳唔少$$$!
噚晚睡姿瞓得唔好，
攪到今朝起身瞓厲頸，
痛到吖!
唔知今日煲嘅三文魚頭湯，
可唔可以補頭呢?
哈哈!
今晚又係食老人餐，
得奶奶、老公和我三個人食飯；
奶奶最低要求係有熱飯食就得，
超簡單啦!
一煲過攪掂，
碟都唔使洗呀!
