沙薑雞腳!

好鐘意星期日晚睇May姐有請，

次次睇到我口水都流哂o架!

尤其呢集請咗黃淑儀嚟整~梅子鴨，

真係超想食呀，

有機會一定要試整呢!

今日我整嘅係沙薑雞腳，

大魔怪一見到已經話好想食啦!

得，亞仔話想食，

亞媽我一定整o架!

材料: 雞腳1磅、薑3-4片

浸雞腳料: 雞粉3湯匙、沙薑粉1湯匙、胡椒粉和鹽各1茶匙

調味: 沙薑粉1湯匙、胡椒粉1茶匙和麻油2茶匙

做法: 雞腳解凍後去腳甲後出水，沖沖水後備用；

燒熱一大鍋水，加入煲雞腳料、薑片和雞腳煲1小時；

撈起雞腳後加入調味撈勻，襯熱食呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page