元朗長來食坊~重慶辣雞煲!

 

昨日係我同老公結婚19週年紀念，

我哋約埋姑奶一齊食飯。

食咩???

就係我想食好耐嘅辣雞煲啦!

由於我仲咳咳哋，

所以揀咗少少辣嘅重慶香辣雞啦!

(辣:分小、中和大辣)
原來少少辣都係辣o架，

一定要叫定支冰凍啤酒和汽水呀!

咪睇呢個煲好似好少咁，

初初我哋都懷疑有冇一隻雞嘅份量，

點知我哋3個人食到最尾個煲都仲有雞，

就知道佢好足料，

又夠哂惹味，

好辣嘅朋友一定要嚟試吓；

位置係元朗屏樂徑近水邊圍村呀!

提提大家，

呢間舖頭都幾多人食，

仲擺到成條街都係枱，

想搵個好位就要早D嚟啦!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page