又係清雪櫃物資時間啦!
雪櫃有帆立貝、蝦仁和金菇，
浸埋D粉絲，
蒸咗呢碟蒜蓉粉絲金菇蒸海鮮，
小魔怪話好有街邊風味，
可惜係蒸，
佢話如果係燒烤嘅話，
肯定仲惹味呀!
材料: 帆立貝、蝦仁、粉絲適量、金菇、蒜蓉2湯匙、蔥粒、
辣椒仔1隻、滾油適量
調味: 蠔油1湯匙、蒸魚豉油2湯匙、鹽少許、糖1茶匙、老抽少許
做法: 帆立貝和蝦仁解凍後，用廚紙索乾水份備用；
粉絲用暖水浸軟後隔去水份備用；金菇去蒂備用；
將蒜蓉、蔥粒、辣椒仔和調味放入大碗內，淋上滾油攪勻備用；
將粉絲和金菇舖在蒸碟內，淋上少許蒜蓉調味汁後，
舖上帆立貝和蝦仁，將蒜蓉調味汁淋上海鮮面，
放入熱水鑊內蒸5分鐘，最後灑上麻油便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!