大小魔怪兩個都鐘意食肥牛，
所以今餐整咗呢個沙茶肥牛金菇粉絲煲，
肥牛留番俾大小魔怪食，
而我就食粉絲和金菇，
皆大歡喜呀!
材料: 肥牛1磅、金菇適量、粉絲適量、蒜蓉、生粉水、
蔥粒、辣椒仔1隻(切粒)、沙茶醬2湯匙
調味: 蠔油1湯匙、豉油1湯匙、老抽半湯匙、糖1茶匙、鹽少許
做法: 肥牛解凍後切半，放入熱水內灼至15~20秒或至轉色後撈起；
粉絲浸軟隔水備用；金菇去硬蒂備用；
燒熱鑊落油，先爆香沙茶匙和蒜蓉，落調味、和1.5碗水煮滾，
加金菇和粉絲煮至翻滾後，加入肥牛煮至汁濃，
如汁多嘅話就落少許生粉水埋芡汁，最後灑上蔥粒和辣椒粒裝飾便成。
各取所好👍
回覆刪除係呀!
刪除