酸菜魚配肥牛鍋

今日大部份時間都係8號風球，

直到下午4點左右轉番3號風球；

老公落街行咗一個圈，

佢話市面已經開始好熱鬧，

有好多市民都去商場食嘢和行街街，

一齊如常了。

今晚食酸菜魚配肥牛鍋，

加埋一大堆配菜，

食到大小魔怪Lam Lam脷呀!

材料:  酸菜魚料包1個、魚片300g(已醃)、肥牛1磅、蓮藕1節、支竹3條、

金菇適量、寬粉適量、薑4片、蒜蓉、辣椒乾適量、蔥粒

做法: 肥牛解凍後切半，放入熱水內灼牛肉至8成熟後撈起(冇血水)；

蓮藕去皮切片；金菇清洗備用；

支竹浸軟剪段；寬粉放入熱水內煮至軟身後，沖水備用；

燒熱鑊落油，加酸菜包和薑4片先炒香後，

加適量熱水和湯包煮滾後，落蓮藕片、支竹和寬粉，

煮5分鐘後撈起放入大盆內；加入肥牛灼1分鐘撈起入大盆；

再加金菇約熟放肥牛旁邊，之後最後放入魚片灼熟，連湯汁倒入盆中；

灑上蒜蓉、辣椒乾和蔥粒，最後淋上熱滾油係面便成。

~今次都係買急凍現成已醃嘅魚片，好爽口味道頗鮮味，

所以包醃魚包我冇用到呀!

     

 

 

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page