9月26日(星期二)
今朝9點半我同老公去做義工，
因為嘉湖民生事務會遲下有個長者茶聚，
我哋幫忙去賣票，
我負責登記老公就負責收錢，
經過嘉湖銀座商場附近公園，
見到好多白兔公仔，
好靚呀!
差不多中午時份，
我和老公就準備返惠州，
由於趕搭惠州大巴，
買咗盒白切雞飯20蚊人仔，
一路等車一路食。
返到屋企，
簡單打掃後，
就休息咗一陣，
就同老公行下附近地方，
因為搬咗嚟呢區仲未識悉D地方，
原來附近有個小市場，
如果早上呢度應該會有好多新鮮餸買，
下次有時間再嚟睇下先得，
行下都買到嘢，
黃酒、河粉、米粉和蘋果。
晚餐老公選擇咗去小店食飯，
呢餐食咗46蚊人仔，
好多肉，
好漏呀!
買咗少少零食，
31蚊人仔，
抵呀!
9月27日~28日(星期三&星期四)
早餐就去附近食生滾豬雜粥和牛腩粉，
第一次食又唔錯喎，
粥和粉都好多料，
呢餐食咗30蚊人仔，
好抵食呀!
今次返嚟最重要去做惠州居住證，
先去影相片回執，
影印身份證和回鄉證，
仲要影印房產證和結婚證書，
真係好多嘢要攪，
攪完又到中午時份喇!
木桶飯好食35.6人仔，
有免費湯水、飲品和白飯住裝，
老公一路食一路讚呀!
食飽飽又周圍行下，
1蚊1個葡撻，
唔買唔得啦!
之後行超市，
見到海鮮跳跳扎，
可惜屋企未有買鑊和煲，
唔係就買返去自己煮嚟食呀!
行到攰，
返到屋企瞓咗一陣，
懶得出街食晚餐，
响美團叫咗外賣呀!
話說我叫咗1隻窰雞和蒜香排骨+娃娃菜和白飯餐，
落單後，
商家電話即到，
話娃娃菜冇貨，
問我可唔可以改食其他食品，
最後我揀咗食炸餃子，
雖然我嘅普通話係識聽唔識講，
但呢次全程溝通都冇問題，
有問有答，
老公都讚我有進步呀!
窰雞熱辣辣兼好入味，
蒜香排骨都好多肉，
又餃子又白飯，
攪到剩咗D排骨就做咗我哋今朝嘅早餐呀!
早餐麵裡嘅雞蛋係噚晚買嘅零食之一，
好食呀!
食完早餐就返香港，
今晚齊食飯，
提早做節呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!