成日整節瓜粉絲蝦米，
食到有少少厭呀!
所以今次浸咗瑤柱和雲腿，
用嚟炆呢碟節瓜，
呢個餸咸咸香香又有汁，
送飯一流呀!
材料: 節瓜2個、瑤柱6粒、雲腿適量、蒜蓉、薑2片
調味: 蠔油1湯匙、糖1茶匙
做法: 節瓜去皮切片；瑤柱用和暖水浸1小時後，連雲腿放入碗中，
放入熱水鑊內蒸15分鐘，瑤柱拆絲和雲腿切粒(留蒸過嘅瑤柱水)；
燒熱油鑊落蒜蓉、薑片和節瓜炒勻，
加入瑤柱絲和雲腿粒、調味和水1碗(包括瑤柱水)，
炆煮至節瓜腍身，最後落生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!