豐衣<粥>食

 

原本呢碟XO醬海鮮炆伊麵係我嘅生日會其中一個餸，

點知打風取消咗，

所以冇煮到呀!

攪到今日先煮嚟食，

咁啱大魔怪女朋友仔又嚟咗，

佢有口福了；

今朝煲埋煲雞粥，

買埋油炸鬼和牛脷酥，

開得飯啦!

材料: 伊麵4個、雜錦海鮮(帶子、蝦、帆立貝)、芽菜$3、韭黃$2、

清雞湯500ml、辣XO醬、蒜蓉

調味: 蠔油1湯匙、豉油1湯匙、老抽適量、鹽少許、糖1茶匙、麻油

做法: 燒熱水，加入伊麵灼至軟身(唔需要煮熟)後撈起備用；

雜錦海鮮解凍後，放入熱水內灼1分鐘後起備用；

將清雞湯500ml和1碗水燒熱，加入伊麵炆至伊麵熟後撈起上碟(雞湯留用)；

燒熱油鑊加入辣XO醬和蒜蓉炒勻，加入海鮮和煮過伊麵嘅雞湯，

落埋調味煮滾後，加入芽菜和韭黃煮多1分鐘，

最後落生粉水埋芡汁，將海鮮料舖在伊麵面便成。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page