香煎鹽焗雞扒配薑蔥蓉

今早用咗半包鹽焗雞粉醃咗兩塊雞扒，

大小魔怪鐘意食薑蔥蓉，

簡簡單單煎香塊雞扒，

將薑蔥蓉淋上面，

嘩，

呢碟雞扒真係好送飯架!

材料: 雞扒2塊、薑蓉、蔥粒

醃料: 鹽焗雞粉半包、胡椒粉適量

薑蔥油調味: 將薑蓉、蔥粒和鹽半茶匙攪勻，贊入滾油撈勻。

做法: 雞扒解凍後用廚紙索乾水份，係雞扒厚身位界幾刀，落醃料醃半日；

燒熱鑊不需落油，放入雞扒先煎有雞皮果面，

慢慢煎出雞油後，反轉煎另一面，其間蓋上鑊蓋將雞扒煎熟；

重覆煎雞扒兩面至熟後，將雞扒切件放入碟內，

將蔥油汁淋在雞扒面或旁邊便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page