8月3日星期四，
我、老公和姑奶3個人返咗惠州，
因為新屋已經裝修得八八九九，
仲有少少手尾就可以買傢俬喇!
水和電一早已經開通，
依家要盡快攪煤氣、電視網絡，
至於全屋傢俬和其他濕濕碎碎野，
真係買極都買唔完，
好彩唔急，
唯有慢慢添置啦!
羅湖搭大巴去惠州每位65人仔，
再用微信嘅電召出行call車返新屋，
大約34~35人仔左右；
去到屋企樓下搵食，
雖然呢間係湘菜館，
但點餸時可以話明唔加辣，
服務態度一流，
送碟花生俾我哋外，
加佢哋微信和抖音，
就送咗3支汽水俾我哋添呀!
今餐食得好滿意。
返到新屋睇落好大，
但擺咗傢俬就冇哂位架喇!
我同老公去登記煤氣先，
安排裝熱水爐和煤氣管道；
姑奶真係好心急，
唔理咁多，
拿拿聲話要搬D野過嚟，
攪到夜晚成9點半先走，
老公就係鐘意呢間屋遠望出去嘅景色，
好開揚好舒服!
落到樓下呢間餐廳仲未關門，
即刻入去問下有咩食，
簡簡單單炒牛河和炒飯，
加碟菜芯，
咁又一餐喇!
返到舊屋，
弟婦買咗3杯檸檬茶俾我哋解渴，
好爽呀!
8月4日星期五，
呢日就忙囉!
食完早餐就要去揀窗簾；
仲要去網絡公司申請網絡電視開通，
之後落義烏買曬衣架、掛勾、風扇及打掃用具等，
想買咩屋企嘢，
呢度都有得買呀!
食咗個簡單嘅酸菜魚套餐，
又平又好食呀!
响義烏買咗少少手信，
食飽飽我和老公返新屋等人嚟裝嘢喇!
煤氣公司放個熱水爐但又唔安裝，
由另一個師傅去裝；
等咗一日，
裝牀師傅7點先嚟，
裝到10點先走，
我和老公兩個人呆等好辛苦，
又未有電視，
真係悶到發毛囉!
師傅未嚟裝牀，
我和老公先去搵食喇!
見到呢間專賣零食舖頭，
又平又多款揀，
啱哂我呀!
晚餐又係食簡單飯，
豬手飯有炸魚送，
老公至愛呀!
牀裝好了，
又幾靚喎!
仲有好多櫃桶，
可以裝好多嘢呀!
8月5 日星期六，
嘆咗個惠州早餐後，
又去新屋等師傅嚟裝網線，
終於有得睇電視喇!
等到中午，
有師傅嚟網熱水爐，
要鑽牆，
攪到3點幾先做完，
我和老公都頂唔順，
等師傅做完嘢就即刻返香港，
其他嘢下次先攪囉!
午餐食另一間快餐，
又係一間唔錯嘅小店，
正呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!