粟米肉碎燴豆腐

今晚得我和老公兩個人撐枱腳，

所以簡單煮咗碟粟米肉碎燴豆腐，

呢個餸撈飯食一流，

大人細路都鐘意食呀!

材料: 有機滑豆腐1盒、肉碎$20、粟米粒半罐、蔥粒

醃料: 豉油2茶匙、鹽半茶匙、糖1茶匙、生粉1茶匙、麻油少許、水1湯匙

調味: 蠔油1湯匙、老抽少許、糖半茶匙

做法: 肉碎用醃料醃30分鐘；將滑豆腐切粒；粟米粒隔去水份備用；

燒熱油鑊先爆香豬肉碎，盡量將肉碎推散開至碎，

加入粟米粒快炒後，落調味和大半碗水煮滾或至肉碎熟後，

再加豆腐粒煮至翻滾，灑上蔥花撈勻便成。

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page