8月26日星期六，
中午2點左右，
我和老公兩個人趕返惠州，
攪埋新屋裝修D手尾，
當日經羅湖口岸過關超多人呀!
返到惠州匯合姑奶佢哋，
4個人去搵食啦!
我哋去咗地道惠州大排檔食嘢，
海鮮蝦蟹粥、椒鹽豬脆骨、蒜蓉蒸勝瓜、咸排骨芥菜煲，
加2支啤酒，
優惠收咗我哋180蚊人民幣，
超抵食呀!
買埋一大堆零食，
開枱&睇波，
好爽呀!
8月27日星期日，
出街食早餐後，
我哋去咗惠州紅花湖行下；
紅花湖係環湖騎行嘅好地方，
全程18公里呀!
我哋逗留咗1小時左右，
買嘢都買咗大半個鐘，
嘻嘻，
遊湖都不忘shopping呀!
之後我哋去咗義烏買嘢，
我哋最主要嚟買茶葉，
鐵觀音和大紅袍。
午餐就去咗食快餐。
休息咗一陣，
堂弟帶咗幾個孫去游東江水，
我哋又去襯熱鬧囉!
有人游水，
有人釣魚，
都幾好玩喎!
晚餐試新嘢，
姑奶話前次食好好味道，
今次就差咗好多，
水準有代改善呀!
8月28日星期一，
我哋飲完茶就返屋企，
因為要等師傅嚟整煤氣，
點知今日原來係整唔到嘅，
只嚟睇位和度位，
最快起碼要明天下午先嚟裝管道，
唉，
又要麻煩堂弟婦幫手開門啦!
我哋10左右就返香港喇!
返到天水圍屋企，
見到小魔怪幫我換咗個電腦mon，
之前果個mon用咗起碼有8年以上，
開始有重影，
我仲以為我有眼花添呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!