今晚食黑椒牛肉炒意粉，
前排買咗塊牛仔肉，
切片嚟炒意粉，
配埋洋蔥一齊炒，
特別惹味呀!
材料: 牛仔肉、意粉、洋蔥半個、蒜蓉、黑椒碎
醃料: 蠔油半湯匙、豉油半湯匙、鹽少許、糖1茶匙、
老抽少許、生粉1茶匙、油半湯匙
調味: 蠔油半湯匙、老抽半湯匙、鹽少許、糖1茶匙
做法: 牛仔肉解凍後切片，用廚紙索乾水份後，落醃料醃30分鐘；
洋蔥去皮切絲；意粉放入熱水內加鹽煮至淋身後，
隔去水份備用(留少少煮意粉水)；
燒熱油鑊落牛肉和黑椒碎炒勻，炒至牛肉7成熟後盛起備用；
燒熱油鑊落洋蔥和蒜蓉炒勻後，加入意粉拌勻後，
落調味和少少煮意粉水煮至洋蔥半熟後，
加入牛肉快炒至乾身，最後灑上黑椒碎炒勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!