南乳蓮藕支竹木耳炆五花腩肉

 

今日炆咗一大鍋南乳蓮藕支竹木耳炆五花腩肉，

呢個配搭真係冇得輸，

南乳汁送飯一流呀!

我食得最多唔係五花腩肉，

而係蓮藕和木耳呀!

材料: 蓮藕2節、五花腩肉$50、木耳2朵、南乳1磚(大)、支竹2條、薑6片

調味: 蠔油1湯匙、老抽適量、豉油半湯匙、冰糖粒適量

做法: 將五花腩肉放入鍋內加水，落薑3片和紹酒1湯匙，

煮滾出水15分鐘後切件備用；木耳浸軟切件；蓮藕去皮切條；

支竹浸軟剪段；南乳用半湯匙紹酒搓勻；

燒熱油鑊，落薑3片和南乳爆香，加入五花腩肉快炒數十下後贊紹酒，

落蓮藕、木耳、冰糖和熱水3碗，用大火煮滾後，

再轉細火炆1小時，落埋支竹炆至支竹腍後，最後落少許老抽調色便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page