真係好耐冇煲過青紅蘿蔔湯，
大家都明白點解(明嘅就明啦)!😢😢😢
今日買齊材料煲呢個朱家家常例湯，
加埋花膠仔和螺片，
升級版青紅蘿蔔湯出爐喇!
材料: 花膠仔6隻、螺片8片、紅蘿蔔1個、青蘿蔔1個、粟米1條、
排骨頭$60、瑤柱6粒、蜜棗3粒、南北杏少許
做法: 花膠仔出水備用；排骨頭出水後落1茶匙鹽醃1小時；
紅蘿蔔、青蘿蔔和粟米去皮切件；螺頭、瑤柱、南北杏和蜜棗沖一沖；
煮滾12碗水，加入所有材料(除花膠仔外)放入煲內煲1.5小時，
落埋花膠仔煲多30分鐘，按個人口味落鹽調味便成。
小花膠出水方法: 用水先浸花膠1小時，
燒熱一鍋水將花膠、薑和蔥一齊出水15分鐘，
熄火焗1小時左右就得。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!