前兩日去咗天盛街市買冰鮮梅頭肉，
買咗1斤七兩，
$100都唔使仲有95折添呀!
用嚟整蜜汁叉燒就最正啦!
總共醃咗4件叉燒，
留起一件叉燒嚟炒飯呀!
材料: 梅頭肉1斤七兩、蜜糖1.5湯匙
醃料: 叉燒醬1.5湯匙、海鮮醬1湯匙、豉油1湯匙、老抽少許、蜜糖1湯匙
做法: 將梅頭肉洗淨切條；用廚紙索乾水份，落醃料醃8小時或隔夜；
從雪櫃取出後放室溫1小時；放入空氣炸鍋用200度焗18分鐘後搽蜜糖；
反轉叉燒轉用180度焗15分鐘，再搽蜜糖後氣炸多5分鐘便成。
如用焗爐嘅話，就用180度先焗20分鐘，取出搽蜜糖後反轉叉燒，
焗另一面12分鐘，再搽蜜糖後再焗多3分鐘便成。
~各款焗爐爐火不一，記得留意唔好焗燶呀!
大家可以入嚟Facebook讚下我新開嘅Fans專頁呀!
簡單方便又好味 ! 又是另一個主婦佳音 ! ^_^
回覆刪除自己整叉燒，好過街買啦!
刪除我都買咗豬肉預備整叉燒。
回覆刪除正呀!
刪除