平民燕窩~雪梨海底椰雪耳紅蘿蔔粟米煲豬腱湯

秋天來了，

所以我呢排好鐘意煲多咗滋潤湯水嚟飲呀!

今日就煲有平民燕窩之稱嘅雪耳湯喇!

雪梨海底椰雪耳紅蘿蔔粟米煲豬腱湯，

有滋陰、潤肺、通便、健脾、清潤止咳等功效。

材料: 雪梨乾8片、海底椰乾適量、雪耳1個、紅蘿蔔1個、粟米1條、

豬腱$50、南北杏適量、瑤柱8粒、蜜棗3粒

做法: 雪梨乾、海底椰沖水備用；雪耳浸發後去硬蒂後撕開細件；

紅蘿蔔和粟米去皮切件；豬腱出水後切件；南北杏、瑤柱和蜜棗沖水；

燒熱10碗水，加入所有材料(雪耳除外)，水滾後轉小火煲1小時30分鐘，

再落雪耳煲多30分鐘後，按個人口味落鹽調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page