南瓜兩食之一~南瓜蕃茄薯仔紅蘿蔔煲西施骨

今日買咗半邊葫蘆形嘅南瓜，

5蚊咋好鬼抵，

咁大邊用嚟煲湯係用唔哂架!

所以留起少少嚟做另一個餸；

買埋蕃茄薯仔紅蘿蔔，

再加$70西施骨，

呢個湯煲咗兩個鐘頭，

啖湯好甜好好飲呀!

材料: 南瓜半邊、蕃茄3個、薯仔2個 、紅蘿蔔2條、西施骨$70

做法: 南瓜、薯仔和紅蘿蔔去皮切件；蕃茄切件；

西施骨洗淨後，放入鍋內加水煮滾8~10分鐘，撈起西施骨沖洗乾淨；

燒熱湯鍋落少許油加蕃茄炒出紅色茄油後，加薯仔和紅蘿蔔快手炒勻，

加入適量熱水、西施骨和部份南瓜用大火煮滾後，

轉小火慢慢煲1.5小時，加埋其餘南瓜再煲多半小時，

按個人口味落鹽調味便成。

~因為老公鐘意食南瓜，所以我分咗兩次嚟落南瓜，

咁煲完個湯仲有完整嘅南瓜食到呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page