泰式炸雞膇

好鐘意用呢包泰式炸雞醃料嚟整炸雞，

原因係佢快靚正，

咩調味都唔使落都已經好夠味!

但我想佢再辣D，

所以炸完再灑七味粉上去，

咁個辣味就更香喇!

材料: 雞膇1kg、蕃薯粉適量

醃料: 泰式香辣雞翼粉1包、水1湯匙

做法: 雞膇解凍後，用廚紙索乾水份，落醃料醃2小時；

從雪櫃取出雞膇放室溫1小時；將雞膇逐一沾上蕃薯粉後靜待1~2分鐘，

同時燒熱油鑊，放雞膇半煎炸至兩面熟後或金黃色後撈起(全程用中小火)，

再燒熱油鑊(大火)，將雞膇回鑊炸多一次，咁雞膇就會更加脆口架啦!

~呢包調味粉係專買印尼和泰國食品嘅舖頭買架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page