2019年2月13日 星期三

柱候蘿蔔金錢肚牛筋腩



就係為咗呢幾件鄉下帶返嚟自家種蘿蔔,

今日買咗成百蚊材料返嚟,

煮咗呢煲柱候蘿蔔金錢肚牛筋腩呀!














材料: 牛肋條1.5磅、急凍金錢肚1磅、熟牛筋1磅、蘿蔔4條(小)、八角2粒、

花椒粒1茶匙、香葉6片、熱水4~5碗、老抽適量、紹酒2湯匙、

薑5片、胡椒粉適量

調味: 柱候醬2湯匙、蠔油1湯匙、豉油1.5湯匙、豆瓣醬1湯匙、冰糖1大粒

做法:將1湯匙紹酒、薑2片加入凍水鑊內,
放埋牛肋條和金錢肚後開火煮滾,

出水10分鐘後取出沖洗乾淨,將牛肋條切大件,金錢肚切條;

蘿蔔去皮切件;熟牛筋沖洗後切件;

凍鍋落油燒熱,落薑3片、花椒粒、八角和香葉先爆香,

加柱候醬爆香後,落牛肋條和金錢肚炒勻,

贊紹酒1湯匙,快炒至牛筋條和金錢肚沾滿柱候醬和紹酒嘅味道,

落埋蠔油、豉油、冰糖和水4碗(水需要差不多浸過牛腩面),

煮滾後轉小火炆1小30分鐘,
加蘿蔔和熟牛筋炆1小時熄火(唔好開蓋),

食飯前再加熱煲多15~20分鐘,最後加胡椒粉和少許老抽調色,

需要可以加生粉水埋茨汁。

~鐘意食濃味嘅話,炆好之後可加少許鹽調味架!

~如果唔夠水嘅話,一定記得要加熱水;


~呢個餸炆定隔日食仲入味架!

~熟牛筋我係佳寶買架!


 
  
大家可以入嚟Facebook讚下我新開嘅Fans專頁呀! 


2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!