花膠香菇炆雞翼

小魔怪依家日日帶飯，

諗下有咩啱飯盒餸先得；

今日就炆定煲花膠香菇炆雞翼，

聽朝早再烚少少菜俾佢帶飯，

咁就又攪掂一餐啦!

花膠用上平價嘅鱈魚膠，

平平哋用嚟炆煮煲湯都唔錯架!

材料: 鱈魚膠5隻、雞翼10隻、冬菇仔12隻、薑2片、蔥絲、紹酒、老抽適量

醃料: 豉油1湯匙、糖1茶匙、生粉1茶匙、麻油少許

調味: 蠔油1.5湯匙、清雞湯1碗、水半碗、

做法: 雞翼解凍後落醃料醃2小時；冬菇浸軟去蒂備用；鱈魚膠出水備用；

燒熱鑊落油，加雞翼略煎兩面後盛起(醃雞翼汁留用)；

原鑊落薑片煎香，加入冬菇和花膠快炒，贊少許紹酒炒勻後，

落調味和醃雞翼汁煮滾後，轉小火慢慢炆煮10分鐘，

加雞翼炆多15分鐘，落老抽調色和生粉水埋芡汁後，灑上蔥絲裝飾便成。

雪魚膠出水方法: 

將鱈魚膠用水先浸軟；燒熱一鍋水將鱈魚膠、薑和蔥一齊出水15分鐘，

熄火焗3-4小時或待水涼後，取出沖洗乾淨後，

將鱈魚膠分開幾份雪入凍箱，咁就隨時都有得用啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page