2019年2月22日 星期五

豉油雞髀


今日係佳寶買咗3隻大雞髀都係$20,

午餐得我和老公倆個撐枱腳,

所以煮咗2隻豉油雞髀做午餐就最啱喇!












材料: 雞髀2隻、乾蔥頭1個(切片)、薑3片、紹酒1湯匙、蔥絲

調味: 豉油2湯匙、老抽5湯匙、片糖2/3塊、紹酒半湯匙

做法: 雞髀解凍後,用刀係厚肉部份界幾刀;

燒熱水加入雞髀和紹酒1湯匙出水1分鐘後,撈起沖水備用;

將調味、薑片、乾蔥片、片糖和2碗水煮滾後,放入雞髀煮10分鐘,

取出反轉雞髀煮多10分鐘後熄火,唔好開蓋繼續焗多10分鐘,

取出雞髀待涼斬件;將適量豉油汁煮滾,淋在雞髀面後加蔥絲裝飾便成。

~剩咗嘅豉油汁唔好倒咗佢呀,裝起佢放入雪櫃,

1星期內煮豉油雞翼、腸仔或火雞腎都得架!

 


大家可以入嚟Facebook讚下我新開嘅Fans專頁呀!  



4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!