西餅、蛋糕製作精選實習班(四)~第三堂

今堂學整白朱古力夾心曲奇&凍芒果布甸，

呢個曲奇好似白之戀人，

老公少有的讚話好好食呀!

紫菜蛋花粟米湯

冇咗大小魔怪係屋企食飯，

真係幾難諗食咩餸架!

依家唯有雞、豬、魚、牛隔住食，

而菜就日日都有；

至於煲老火湯呢，

因為煲咗要飲好多餐先飲得哂，

所以少煲咗囉!

但懶人湯就成日煲喇!

藥膳雞腳

天氣凍，

手腳都比較冰冷，

睇嚟係時候要補補身了。

血壓高食唔食得當歸呢???

答案係得架!

想知更多click入上面紅色睇下啦!

不過提醒大家，

都係果句~少食多滋味啊!

冬菇蝦米豬肉丸鍋(兩食)

天氣凍到呢，

首選就係煮個暖鍋食下啦!

自製咗個冬菇蝦米豬肉丸，

加埋其他配料，

熱辣辣嘅煲仔菜又出場啦!

記得落多D粉絲，

索哂D湯，

超正呀!

食唔哂，

第二日當肉餅蒸嚟食都好好味道架!

提早團年&妹妹生日

星期六我哋出咗沙田，

與母親大人、姐姐、妹妹一家，

提早團年和慶祝妹妹生日；

今次又係去咗沙田第一城盈暉酒家食晚飯，

由於冇咗小魔怪係度，

我哋唔敢叫一圍酒席，

改吃半圍，

加咗幾個小菜，

燒鵝半隻、黃金蝦、紅燒豆腐、瑤柱豆苗(冇影)、半打壽包，

埋單$2000有找添!

熱辣辣臘味煲仔飯

今日天寒地凍得果2度，

話咗唔落街買餸，

唯有摷下個雪櫃睇下有咩物資啦!

正喎!

有臘腸和臘鴨髀，

又可以整煲仔飯食囉!

今次D飯焦好正，

有人(老公)同我爭食呀!

落雪?落冰雹???

今朝起身得2度，

凍到呢!

外面又風又雨，

真係唔願起身呀!

早上8點幾時，

聽到窗外雨點解咁好大聲，

推窗一望，

嚇一跳，

落雪?落冰雹???

 
  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page

西餅、蛋糕製作精選實習班(四)~第一、二堂

第一堂~黑芝麻毛士蛋糕&紙包蛋糕，

紙包蛋糕真係好軟熟，

我鐘意呀!

沙嗲洋蔥豬扒

每次整豬扒，

我都鐘意加埋洋蔥一齊去煮，

無論用豉油汁、蕃茄汁、咖哩汁或沙嗲汁，

點煮都好，

都一樣咁好味道呀!

講開沙嗲，

我一定用Jimmy沙嗲醬，

真係特別惹味架!

焗蕃薯

上次係雲泉仙館買咗幾條有機蕃薯，

噚晚就焗咗2條嚟宵夜，

啱啱出爐就即刻切開嚟食，

個蕃薯唔使落糖水烚都超甜，

仲爆哂D糖份出嚟添呀!

熱辣辣，

巧巧味啊!

蒜蓉煎雞扒

一年一度洗牙嘅大日子又嚟架!

洗完牙後，

牙軟軟肯定食唔到嘢，

所以今日午餐要食得豐富少少，

蒜蓉煎雞扒配炒椰菜，

加埋煲仔飯豉油(加少少麻油)，

好滿足的午餐!

咖哩薯仔洋蔥雞翼

天氣凍凍哋，

煮一鍋咖哩嚟暖暖身都唔錯架!

鐘意用利川咖哩，

少少辣，

夠哂香，

嘻嘻，

又要添飯囉!

蝦醬翠肉瓜炒蝦仁

蝦醬翠肉瓜炒蝦仁，

翠肉瓜快炒先夠爽脆，

加埋惹味嘅蝦醬，

真係超級好送飯架!

菜乾蠔豉咸鴨腎豬展粥

呢幾日天氣麻麻哋，

又濕又凍；

老公感觸哋說3個月前屋企仲好齊人好熱鬧，

奶奶仍然在世，

我倆、大小魔怪和工人姐姐等；

但昨晚剩得兩佬在家，

連屋裡的氣溫都特別凍啊!

今日煲番煲熱辣辣嘅粥品，

暖胃又暖心!

小魔怪去英國啦

噚晚零晨，

小魔怪已經搭飛機去英國讀書啦!

啱啱收到佢由英國whatsapp我，

已經安全到達英國希思羅機場，

等緊轉機到紐卡素，

學校方面已經安排咗部免費的士，

車佢和同學仔一齊去學校宿舍，

打點一砌後再會聯絡我呀!

(亞仔，記得俾心機讀書喇!)

鹽焗雞(電飯煲版)

今晚小魔怪就搭飛機去英國讀書，

係呢個時候教佢整個經典版鹽焗雞啦!

外國春雞特別多，

呢個應該係必食啦!

唔好講笑，

睇下隻雞髀就知隻雞好滑啦!

各位，

我唔客氣喇!

南乳蓮藕炆排骨(電飯煲版)

南乳蓮藕炆排骨，

呢個餸係小魔怪至愛之一，

咁緊係要教佢用電飯煲煮啦!

亞仔，

記得要添飯呀!

粉嶺雲泉仙館

2013年，

我哋已經幫奶奶係粉嶺雲泉仙館買定個骨灰龕位，

今日我哋再去雲泉係想為奶奶打點日後安放骨灰事宜；

幾年冇去，

呢度環境一樣冇變，

環境寧靜優美，

鳥語花香，

好舒服啊!

芝士煙肉洋蔥焗大蘑菇

小魔怪恨食呢個焗大蘑菇，

見上次BBQ仲有大蘑菇係度，

即刻焗幾個俾佢食；

啱啱上枱已經好香，

切開蘑菇汁漏哂出嚟，

嘩，

好juice呀!

可樂雞翼(電飯煲版)

又係時候教小魔怪煮餸喇!

今日煮呢個又係零失敗嘅可樂雞翼，

佢係雞翼狂，

一定會鐘意食呢個餸架!

唔使用哂一罐可樂，

一半煮雞翼，

一半咪飲咗佢囉!

家庭聚會~天水圍綠田園

昨日輪到母親大人、姐姐和妹妹一家為小魔怪餞行，

小魔怪至愛BBQ，

所以揀咗嚟呢度~天水圍綠田園

唔單只有燒烤，

仲有好多免費和自費遊戲玩，

真係適合一家大細襯假日嚟玩下輕鬆下架!

由於大魔怪食素，

我另外準備一些素食材料俾佢BBQ，

咁就大家都有得食有得玩啦!

元朗大榮華酒樓

昨日，

大伯、大伯娘、姑奶為小魔怪餞行，

我哋揀咗去大榮華食晚飯，

大家都鐘意食傳統菜式，

第一次食豬油撈飯，

好食!

但砵仔飯份量太少，

大魔怪和小魔怪各自食咗3個和2個飯先夠飽呀!

小魔怪多謝大伯大伯娘姑媽哥哥和姐姐的大利是!

薯仔肉碎飯(電飯煲版)

今日開始教小魔怪用新電飯煲；

第一次教佢嚟煮就係呢個零失敗嘅方便飯，

唔使理咁多，

飯滾就食得，

仲夠哂飽肚添呀!

去到英國時，

唔使日日出街食fish&chips，

好易變肥仔架!

臘味香菇雞粒煲仔飯

小魔怪仲有一星期就會離開香港到英國讀書，

今日我煮咗臘味香菇雞粒煲仔飯俾佢食，

佢話會好排住臘味嘅味道，

到英國應該未必食得到囉!

西餅、蛋糕製作精選實習班(十)~第十堂

香芒麻糬和雪苺娘，

呢堂係11月中已經上完，

等到今日先嚟post呀!

今晚我會上另一個課程，

又要開始我返學的日子了。

雜菜肉碎炒米粉

話咁快又到咗星期一，

大家又回復平時嘅日子，

返工的返工，

返學的返學，

而我呢???

咪又係要繼續我朱家總管嘅職務囉!

今朝打掃完屋企後，

簡簡單單炒咗個米粉做午餐，

哈，

又預多咗份量添，

我諗做埋晚餐都仲得呀!

芝士焗薯仔

平時用開嘅電腦壞咗，

依家唯有攞部古董手提電腦用住先，

雖然係慢，

但起碼都寫到blog，

至於上相呢就時得時唔得，

希望佢今日聽聽話話啦!

最新消息，

部電腦整好咗啦!

師傅話有零件過熱燒壞咗，

換咗零件就可以再用，

就係咁承惠$480!

椰菜木耳炒粉絲

聖誕和元旦過後，

好快又要回歸返工返學嘅日子啦!

經過呢幾日食咗咁多嘢，

今日就食得簡單和清啖點，

一碟椰菜木耳炒粉絲，

希望啱大家口味啦!

2015除夕元旦廣州探親之旅

昨日一行8人齊齊返廣州探叔父大人，

今次係祈祈BB第一次返廣州，

佢不知幾興奮呀!

我哋揀咗坐直通車由紅磡去廣州東站，

咁老人家和小朋友過關就唔使咁辛苦喇!