雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年8月16日星期六

照燒洋蔥牛柳

一個快靚正嘅餸菜，

20分鐘唔使就有得食，

簡直啱哂上班一族呀!

唔鐘意牛肉，

落雞肉豬肉都可以，

但記住烹調時間可能要長少少啦!

材料: 牛柳、洋蔥、蒜蓉、李錦記照燒雞翼汁1包、2湯匙水

調味: 豉油、糖、粟粉、麻油、油各1茶匙、水1湯匙

做法: 牛柳切片或絲；用醃料醃15分鐘左右；洋蔥切絲；

微微燒熱玫瑰pan落少許油，加入牛柳略煎至約7成熟後盛起；

原鑊加少許油爆香蒜蓉和洋蔥，加入照燒雞翼汁和2湯匙水煮至洋蔥熟，

倒入牛柳肉快手炒勻便成。