2014年7月29日
因為有祈祈BB係度，
所以我哋揀團都會係比較悠閒，
唔會晨早morning call的。
所以呢幾日通常都係8點半起身，
10點半出發去景點，
抖足精神食早餐囉!
今日第一個景點就係去南投埔里~清境農場，
去清境呢段路彎彎曲曲，
條路又好鬼窄，
妳咪話，
我都有D驚驚哋架!
上到去，
個個團友都俾佢哋D水蜜桃吸引住呀!
上到去2044米食個~擺夷風情餐，
好似導遊話齋，
好食就食多D，
唔好食就食飽D，
咁又一餐囉!
食完飯，
我哋就去青青草原睇羊仔，
上到2000幾米高嘅山，
雲霧就在眼前，
吹住涼涼哋嘅山風，
真係好舒服架；
拔，
我同姐姐唔知係咪有高山反應，
行行下好唔舒服，
面青口唇白、標汗、頭痛，
好驚行唔返上山呀!
身體咁差，
仲話想去西藏，
我諗我呢世都唔使諗囉!
呢日我哋住楓樺台一渡假村，
房內有私人花園浴池，
祈祈BB見到不知幾興奮呀!
一面食飯，
一面睇民族表演，
飯後仲有興趣活動~穿頸鍊!
返到房，
有個小小小型水果宴，
愛文芒果、 蜜桃、香蕉和橙，
超正呀!
大家可以入嚟Facebook讚下我新開嘅Fans專頁呀!
哈哈……好搞嘢呀！^^ 排排坐，串珠仔，好似係社區参加興趣班，聯想唔到，原來係台中旅行，呢個安排都好特别。
回覆刪除嘻嘻，我都好耐冇串珠仔，玩下都唔錯架!
刪除我試過去grand canyon 都有高山症，不過原來要行得慢，唔好咁興奮，等身體適應，便無事。
回覆刪除我哋就係衰心急，行得太快呀！
刪除我都想去西藏
回覆刪除我都想架，不過以我心身體力，應該唔達標囉！
刪除當造蔬果，唔方便帶走，都要食多幾個。
回覆刪除係呀，台灣水果特別好食呀！
刪除祈祈BB應該玩得好開心 :)
回覆刪除佢玩到話唔返香港，要留係酒店住呀！
刪除祈祈BB愈大愈靚女好可愛啊 ! 食物和節目都好豐富 .
回覆刪除食物ok架，多菜少肉嘛!
刪除係，我上次都有高山症，睇怕我都吾去得西藏
回覆刪除証明我哋身子弱呀！(>﹏<)
刪除台灣d 嘢真係好食~最緊要係價錢唔貴呢~!
回覆刪除我都幾鐘意台灣，感覺令人好舒服呀!
刪除請問溫泉酒店名稱 ?
回覆刪除呢間叫楓樺台一渡假村，不過我覺得日月潭5星級雲品酒店個溫泉最正呀!
刪除