噚日北上，
買咗D紅綠豆返嚟，
第一時間緊係用嚟煲糖水啦!
唔煲都唔知紅綠豆原來咁有益處，
綠豆有清熱解毒，
消暑利尿功效!
而紅豆就有潤腸通便，
降血壓血脂，
調節血糖等功效；
咁真係要食多幾碗先得啦!
咁真係要食多幾碗先得啦!
材料: 紅豆和綠豆各大半碗、冰糖適量、陳皮1塊
做法: 紅豆和綠豆洗淨浸水2小時(紅豆有時間浸過夜仲好)；
做法: 紅豆和綠豆洗淨浸水2小時(紅豆有時間浸過夜仲好)；
陳皮浸軟刮囊備用；將10碗水、紅豆和陳皮放入Staub煲內煮滾，
滾起後轉最細火煲1小時左右，加入綠豆煲多30~45分鐘至綠豆爆開，
加冰糖調味便成。
溫馨提示:
~陳皮要凍水落，唔係會有苦味；
~用Le-creuset或Staub煲嘅好處，係煲滾水後全程可以用最細火，
水份唔會太流失；
~用其他煲都得架，水嘅份量可能要多幾碗水啦!
~記得要豆腍先可以加糖，唔係D豆係唔會腍架!
~用Le-creuset或Staub煲嘅好處，係煲滾水後全程可以用最細火，
水份唔會太流失；
~用其他煲都得架，水嘅份量可能要多幾碗水啦!
~記得要豆腍先可以加糖，唔係D豆係唔會腍架!
~綠豆唔使煲得太爛架!
大家可以入嚟Facebook讚下我新開嘅Fans專頁呀!
重有呀！陳皮熱水先落會燥架！hehehe~~
回覆刪除母親大人仲話會有苦味添呀!
刪除我愛綠紅豆呀 一碗呀唔該
回覆刪除哎呀，食哂啦!
刪除原來兩種豆咁有益 , 我未試過紅綠豆一齊煲糖水 , 搵日我又試下先 .
回覆刪除煲啦，好好食架!
刪除呀媽話紅綠豆一齊煲, 一寒一熱中和返, 個個都飲得~
回覆刪除係呀，得閒煲嚟食下都唔錯呀!
刪除我一個月煲一次， 今日睇左你煲，我又煲左。
回覆刪除我買咗好多紅綠豆，下星期再煲過呀!
刪除仲有冇呀？
回覆刪除哎呀，食哂啦!
刪除綠豆浸得太耐會發芽㗎！
回覆刪除嘻嘻，寫漏咗係浸紅豆耐少少比較好D呀!
刪除唔該一碗外賣吖~
回覆刪除食哂啦，今日煲咗綠豆海帶糖水呀!
刪除超級正呀！雪凍食仲好！
回覆刪除我都鐘意凍食架!
刪除