今日，
老公約咗班舊同學去屋苑會所打乒乓球，
我都有跟埋去玩架!
襯未齊人，
同老公打咗15分鐘波啫，
我已經出咗成身汗，
老公話以後每個星期都book場打波喎，
順便幫我減肥呀!
柴魚花生排骨粥
材料: 柴魚1條、花生4兩、米1杯、排骨$40、薑3片、蔥花和胡椒粉適量
做法: 花生浸2小時；排骨出水後用鹽醃起碼2小時或以上(醃隔夜仲入味)；
柴魚浸軟後慢慢揀去細骨剪碎備用；洗米後用少許鹽和油撈勻；
用Staub鍋，燒熱水加入柴魚、花生、排骨和薑片煮滾後轉細火煲1小時；
加米後煲多1小時左右，加鹽調味便成。
(隨個人口味，可加蔥花和胡椒粉拌食啊!)
大家可以入嚟Facebook讚下我新開嘅Fans專頁呀!
好耐都冇煲呢個粥了，請我食碗得嘛？
回覆刪除快D過嚟食啦!
刪除柴魚花生粥好味，做下運動對身體好呢
回覆刪除係架，不過打完乒乓波，好攰，成個人散哂咁呀!
刪除哈, 我地尋日都去咗打乒乓波..
回覆刪除哈哈，我哋心靈相通呀!
刪除我今日都係煲粥喎，交換食啦。
回覆刪除有粥食，我即刻飛過嚟食呀!
刪除好耐沒有食過這款粥 , 好正呀 !
回覆刪除呢款粥，我好鐘意食架!
刪除我都鍾意食柴魚~不過我嗰邊賣得有點貴呢~!
回覆刪除我買柴魚1條要$16呀!
刪除做下運動好
回覆刪除我懶嘛，唔鐘意做運動呀!
刪除做完運動，出一身汗，對身體好呀！
回覆刪除做運動，身體好呀！
刪除柴魚好味。不過，我唔食得花生，食完胃痛
回覆刪除就咁用柴魚煲粥都好食架!
刪除