雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年6月27日星期五

減肥湯水~冬瓜海帶(昆布)排骨湯

夏天，

我真係好鐘意飲湯架!

見有包日本買嘅昆布係屋企，

即刻煲個啱哂我飲嘅湯水~冬瓜海帶(昆布)排骨湯，

減肥人仕至啱飲呀!

材料: 冬瓜1斤半、西施骨$40、海帶(昆布)適量、薑2片、鹽、紹酒少許

做法: 燒熱水落西施骨和紹酒出水10分鐘，洗淨加少少鹽醃一陣備用；

冬瓜去皮切大件(瓜皮留用)；海帶(昆布)浸軟切片；

燒熱水，加海帶(昆布)、西施骨和薑片，煲滾後片去煲內浮沫(如有)，

轉小火煲1小時後，加入冬瓜連冬瓜皮，煲多30分鐘，落鹽調味便成。

(網上資料)

冬瓜不含脂肪，納含量較低，又可利尿去濕。海帶為海產植物之一，含有豐富碘質及多種微量元素，有消除脂防及膽固醇之效，兩者同煮有助減肥，但此湯偏涼，虛寒人士不宜。

呢個湯唔落肉都得，冬瓜、海帶和薑片，煲45分鐘左右，加鹽調味便成。