藥膳湯!

10月頭時整過藥膳蒸雞，

 

依家10月尾就煲個藥膳湯啦!

 

唔鐘意當歸味道嘅朋友，

 

可以唔落架!

 

有朋自遠方來2!

T&P由澳洲返嚟香港，

緊係要約出嚟見見面啦!

今次我哋約食自助餐，

地點灣仔萬麗酒店。

出席有T&P伉儷、lonely&囡囡、mei和我。
 

 

白汁芝士焗西蘭花!

雖然話食素，

 

但大魔怪都有要求架!

 

佢話唔好求求其其烚菜俾佢食喎!

 

簡單啦!

 

包係我身上呀!

 

孤獨老人餐~瑤柱蝦乾排骨泡飯!

 

今晚大小魔怪和老公都唔返嚟食飯，

 

又要學習做孤獨老人啦!

 

一個人又想飲湯，又想食飯，

 

煮泡飯就啱哂啦!

 

摷哂屋企已有材料，

 

有咩煮咩呀!

 

有朋自遠方來!

網絡上認識好耐住在新加坡嘅Sophie，

 

昨日終於係香港見面啦!

 

今次blog聚有Sophie,Mei,lonely&囡囡和我，

 

我哋相約係灣仔陳勤記鹵鵝飯店食晚飯。

 

滾蛋......糖水!

天氣乾燥就要煲D嘢食潤下，

今次煲咗腐竹白果薏米雞蛋糖水，

各人喜愛唔同，

我鐘意食到有腐竹，

所以冇煲溶哂，

我鐘意食成隻蛋，

但家人鐘意蛋花，

兩款都有，

任君選擇!

我鐘意滾......湯!

 

呢排真係好鬼乾，

 

今日濕度仲得35%添咋!

 

乾成咁，

 

但我又懶煲湯，

 

滾(湯)係唔錯嘅選擇嚟架!

 

 

芝士豬柳蛋小漢堡包!

話時話，

 

我已經成4個月冇整包包啦!

 

部麵包機就嚟發霉都冇人理囉!

 

今日終於的起心肝整包包呀!

 

蒜香椒鹽雞翼!

哈哈，

 

我就係咁衰架啦!

 

前排先話肚痛唔舒服，

 

仲排毒咗幾日添；

 

今日除明目張膽食薯片外，

 

整埋碟炸雞翼食，

 

係咪抵死呢???

 

燒味雙拼~叉燒&豬頸肉!

為咗身體健康，

 

依家一星期行足5日運動場，

 

每日行起碼45分鐘，

 

再做2日瑜珈，

 

希望有效啦!

 

 

韓式炆排骨!

上次試咗樽韓國BBQ醬(牛味)，

 

今日試另一樽辣豬味啦!

 

唔錯喎，辣辣哋啱哂我，

 

不過老公食食下狂打噴嚏，

 

佢話辣親個鼻喎，

 

吓，唔係嘛，

 

唔係好辣咋喎!

 

朱家例湯~西洋菜紅蘿蔔咸鴨腎豬展湯!

一見到街市有西洋菜賣，

 

我就即刻買2大扎返屋企，

 

因為呢個湯係我家例湯之一，

 

小魔怪超鐘意飲呢個湯架，

 

而我呢，

 

我食西洋菜當飯呀!

 

咸蛋燕麥蒸豬肉!

近日秋高氣爽，

 

涼涼哋好舒服啊!

 

連平時懶做運動嘅我，

 

都走咗落街做做簡單帶氧運動，

 

出一身汗都唔覺辛苦啊!

 

今日蒸咗個滑滑肉餅，

 

秘訣就係加咗燕麥片啦!

 

 

元朗~蓬萊咖哩屋!

今日約咗朋友仔食午餐，

 

我揀咗去食咖哩，

 

成年幾冇去食，

 

冇咩退步，

 

仲有驚喜添!

 

蝦膏豆卜蒸豬肉!

呢個餸真係有得睇冇得食呀!

 

因為依排我唔食得肥膩嘢，

 

但又要整俾小魔怪和老公食，

 

睇到佢哋食得咁滋味，

 

等我好番又再encore先得!

 

紅湯~羅宋湯!

呢兩日我個肚不斷咁奄奄痛，

 

而且排毒得好犀利，

 

真係唔使食排毒美顏佬都排得好清呀；

 

除咗食粥外，

 

呢兩日食得最多係方包，

 

食到個口都冇哂味覺，

 

我要食搵D有味嘢食下先得啦!

 

 

西餅、蛋糕製作精選實習班(一)~第九&十堂

 

遲咗2個月嘅蛋糕相終於由倉底出爐啦!

第九堂學整檸檬批＆法式焦糖燉蛋
 

雜菇雞絲炆伊麵&咸鴨腎豬展粥!

屋企好多病人，

 

大小魔怪和老公都唔舒服，

 

而且我近排腸胃都唔係咁好，

 

所以今晚煲粥炒伊麵，

 

清清腸胃都唔錯啊!

 

清炒蓮藕片!

今日係農曆九月初九重陽節，

 

我哋一行十人返元朗舊居登高祭祖，

 

大小魔怪今年好幫得手，

 

將雜草除得乾乾淨淨，

 

日後我哋可以唔使做得咁辛苦啦!

 

 

韓式牛仔骨!

4月時買嘅新熱水爐，

 

噚日壞咗，

 

今日嚟整話部機冇反應，

 

一係換機，

 

一係換零件，

 

我話換機，

 

佢就話換零件先喇，

 

如果再壞先換機；

 

咁化學，

 

有冇攪錯呀! 

 

羅漢果水!

近日，   大小魔怪和老公都有幾聲咳，   仲有少少痰添，   拿拿臨煲D羅漢果水俾佢哋潤一潤先得。

咖哩雞翼!

 

終於搬哂亞虎blog過嚟啦!

 

係亞虎果邊有1989篇架，

 

不過依家計埋我9月份開始係呢度寫blog，

 

搬哂過嚟得番1517篇，

 

因為其中有好多篇有死圖嘅情況，

 

所以冇得copy過嚟，

 

咁都好，

 

我唔使搬得咁辛苦呀!

 

搬blog真係仲辛苦過返工，

 

由朝坐到黑，

 

連煮飯食飯都要快呀!

素炒粒粒!

炸咗D腰果有咩用???

 

除咗我間中偷嚟當零食外，

 

有時炒餸都可以加一D落去，

 

一碟素炒粒粒，

即刻升呢呀!

黑糯米椰汁糖水!

咁多種糖水之中，
 

呢款黑糯米椰汁糖水我都好like架!

 

而且黑糯米有補血作用，

 

女人梗有幾日啱食架!

 

 

無花果清補涼節瓜豬展湯!

新鮮滾熱辣，

 

啱啱煲好~無花果清補涼節瓜豬展湯，

 

頭啖湯，

 

緊係我飲先啦!

 

魚露焗虎蝦!

前排係美食博覽買咗2盒虎蝦都未食，

 

今次用咗其中一盒整魚露焗虎蝦，

 

好鐘意用魚露煮餸，

 

特別惹味架!

 

 

生炒臘味糯米飯!

秋風起，

 

食臘味，

 

雀后生炒糯米飯又出場啦!

 

 

秋天進補~藥膳蒸雞!

漸入秋天，

 

係時候開始要進補啦!

 

今次整咗個藥膳蒸雞，

 

補得嚟又好味道呀! 

 

金銀蒜粉絲蒸勝瓜!

係街市買咗2條勝瓜$9，

 

簡簡單單一碟整咗金銀蒜勝瓜蒸粉絲，

 

勝瓜又甜又脆，

 

蒜蓉又夠香，

 

正呀!

 

生日會!

襯噚日係十一國慶，

 

所以姐姐為姨甥舉行15歲生日會。

 

今年大廚都係姐夫，

 

整到成枱都係餸，

 

都俾我哋清哂呀!