前菜~青瓜拼海蜇!

 天氣開始熱，

又係時間整我鐘意嘅涼拌菜啦!

呢個前菜簡單又易做，

真係夏天不可缺少嘅菜式之一嚟架!

 

子蘿雞翼!

 

前幾日係雪櫃摷咗樽子薑，

剩得少半樽，

梗係要清埋佢啦!

唔係邊有得買新架!

 

 

紅蘿蔔粟米馬蹄無花果南北杏蜜棗豬展湯!

 

大小魔怪好鐘意飲湯水，

不過有時懶懶哋滾瓜湯比較多；

今個星期煲咗呢個簡單又好飲嘅湯，

全部都可以食落肚，

一D都唔嘥食材架!

 

手剁豬肉蓮藕餅!

 

昨日姑奶過嚟探奶奶，

順便買咗D蔬菜俾我，

有茄子、馬蹄和蓮藕，

有咁多食材，

就用蓮藕整好嘢俾大家食啦!

整呢個肉餅最好自己親手剁肉餅，

除咗好味之外，

最重要有我嘅愛心呀!

 

梅香咸魚蒸燕麥馬蹄豬肉餅!

 

呢排都唔知咩事，

沖涼嘅熱水爐有怪聲，

煮食爐又short short哋，

一次過換哂呢兩樣大型用品，

荷包傷呀!(好彩係老公俾錢換咋!)

仲有我又開始作感冒，

諸事不宜呀!
 

 

柱候牛展牛筋炆薯仔!

 

又係清雪櫃物資嘅時候啦!

見剩番一條牛展，

炒、滷、炆都唔係好夠，

於是買咗磅牛筋和2個薯仔一齊炆，

煮埋大大碟，

好送飯呀!

 

 

簡易咖哩雞!

呢掛天氣時晴時雨，

又濕又乾，

真係攪到人都顛呀!

最慘係我嘅豬朋狗友~鼻敏感又嚟咗探我，

每次食完藥就想瞓，

我唔想做豬太囉!

點去濕???

我諗起食咖哩呀!

 

世界變囉~金條!

呢排有個怪現象，

街市冇人買菜~嫌貴，

金行人頭湧湧買金~抵!

唉，

真係世界變囉!

金，我就冇錢買喇!

唯有整D金條睇下食下都唔錯架!

 

紹菜雲耳炒素咸肉!

其實間中食素菜都唔錯架!

起碼可以清清腸胃，

唔使食咁多肉落肚嘛!

不過，

正所謂齋口唔齋心，

要年青人食素菜都幾難，

唯有買D仿真度特別高嘅素食料返嚟，

等佢哋一路食，

一路估下係咩嚟呀!

 

蔥頭雞!

 

呢排個個人聞雞色變，

連街市雞檔亞姐都叫苦連天~生意難做喎!

見買慣買熟，

點都要幫襯下。

都係果句，

煮熟D應該冇問題呀!

今次我連煲雞水都唔嘥，

用嚟滾雙冬豬展湯(冬瓜、冬菇)，

有湯有餸，

合乎慳家原則。
 

 

食得唔好嘥~豉椒炒雞雜!

 

走地雞雞雜唔係成日有得食o架!

食得唔好嘥呀，

加埋三色椒和洋蔥一齊炒，

超惹味呀!

嘻嘻，

今餐又扼咗一碟餸錢啦!

 

朱家小炒皇!

 

依家買餸真係好頭痕，

食物物價越來越貴；

4月頭韭菜花$9有3扎，

今日竟然加到$10先得兩扎，

其他菜仲貴到離哂譜，

十零廿蚊閒閒哋啦!

睇怕日日食芽菜都唔得掂呀!

 

 

家鄉炒米粉&咸鴨腎豬展粥!

呢排天氣太熱喇!

熱到我都唔想食飯，

於是噚晚煲粥和炒米粉。

用咗係廣州嬸嬸自家曬嘅鴨腎煲粥，

連一向唔多食粥嘅大小魔怪都話好食，

粥就一早食哂啦！

至於碟米粉呢，

我哋狂食後都仲有一大兜放咗係雪櫃囉！

(我又預多咗份量啦!)

 

西餅蛋糕製作精選實習班三(第六、七堂)

今次一連post兩堂學咗嘅蛋糕和甜品。

首先係第六堂(9/4)~蘋果金寶芝士蛋糕+什莓果凍布甸，

大小魔怪話金寶粒粒好好食呀!

2013年廣州祭祖之旅~第二日!

4月14日星期日，

由於早上8:30要出發到番禺祭祖，

老公未夠5點就嘈醒我，

佢驚再瞓會過鐘喎???

唔係嘛，

咁早!

我再瞓至6:30起身梳洗後，

搵埋母親大人飲早茶。

早餐食咗63人仔咋!(3人)

2013年廣州祭祖之旅~第一日!

4月13日星期六，

母親大人、老公和我坐火車上廣州；

去到廣州已經下午12:30左右；

由堂妹帶路，

到叔父屋企附近食午餐；

嬸嬸和堂弟一早已經到咗酒樓啦!

唔知係咪肚餓呢???

我哋個個都話呢餐特別好味道；

上到廣州，

點可以唔食雞架!

(死就死啦!)

呢餐抵食埋單188人仔!(6人)

土伏苓粉葛紅蘿蔔赤小豆扁豆花豆排骨湯!

 

廣州嘅嬸嬸自家曬咗一包土伏苓俾我，

緊係要即刻煲嚟飲啦!

呢排天氣咁濕，

最啱飲呢個湯水啦!
 

 

2013年廣州祭祖之旅~手信篇!

受H7N9嘅影響，

大家都唔敢帶雞返香港。

我哋都好掛住嬸嬸整嘅雞，

今年大小魔怪冇口福啦!

雖然係咁，

嬸嬸、堂姐、堂妹和堂弟都好好客，

買咗好多手信俾我哋呀!

 

潤喉消脂減肥茶～羅漢果山楂茶!

 

噚晚上youtube一路睇住鄭多燕跳減肥操，

我又一路跟住做，

做完運動出咗一身汗，

超攰但感覺尚算良好!

不過今朝有D腳軟咁囉!

唔只做運動，

我仲煲埋羅漢果山楂茶當水飲，

一於雙管齊下，

努力減減減呀!

 

叉燒!

 

我家族有糖尿病，

所以我都驚自己會有架!

今日同事幫我驗血糖(俗稱:拮手指)，

空腹度4.1，餐後2小時度8.4，

偏高嗎???

不過我都係時候要check check我有冇三高啦!

 (高血糖、高血脂、高血壓)

 

香草雞扒芝麻醬蕎麥麵 !

呢個復活節假期日日胃口大開，

我都係時候要開始減減體重啦!

所以呢兩日好積極咁搵畢業禮表演舞蹈，

今日開始教學生(2歲小朋友)跳舞，

如果日日教半個鐘，

出一身汗嘅話，

希望會有效啦!

明明問咗大魔怪話唔食架嘛，

點知佢見到又話食，

攪到我食得兩啖麵咋!

 

 

蒜頭豆豉排骨蒜陳村粉!

大小魔怪18歲成年啦!

成年就要換成人身份証。

半個月前已經上網同佢哋book咗時間做身份証，

上星期六我哋去到人民入境事務處，

嘩，

超多人，

插針都插唔入呀!

等咗成個鐘後，

佢哋完成成為成人嘅身份啦!

 

菜乾紅蘿蔔螺片豬展湯!

近排我煲特別多湯水；

考試期間我咩都幫唔到大小魔怪，

唯有煲多D湯水潤一潤啦!

加油呀!

西餅蛋糕製作精選實習班三(第五堂)~椰香紫米蛋糕+米蘭曲奇 !

 

4月2日呢堂學整~椰香紫米蛋糕+米蘭曲奇!

紫米露食得多，

用佢嚟整蛋糕都係第一次! 

經典~洋蔥豬扒!

 

洋蔥豬扒由細食到大，

我唔係咁鐘意食豬扒，

而係鐘意食洋蔥，

仲要係熟洋蔥，

生嘅就唔多like啦!
我要殺菌，

我要健康呀!

 

係福建都未必食到嘅~福建炒飯!

 

係福建都未必食到福建炒飯，

但係朱家就食到啦!

煮咗一大煲飯，

炒咗一大鑊餸，

都俾大小魔怪清哂喇!

 

 

XO醬豬頸肉魚乾仔炒韭菜花!

 

食埋呢餐，

D韭菜花終於食完啦!

今日用咗XO醬炒，

夠哂惹味，

送飯最啱呀!

今日本來約咗blog友仔飲茶，

點知左眼發炎要去睇醫生，

唉，

就係咁，

我要留係屋企養眼呀!
 

 

牛奶芝士方包!

 

睇開我blog嘅blog友都知大小魔怪鐘意食芝士。

所以襯仲放緊假，

整個芝士包俾佢哋做下午茶；

嗱，大小魔怪俾心機溫書，

媽咪我就整多D好嘢俾你哋補充腦力啦!

無花果雪耳紅蘿蔔豬展湯!

 

買咗盒土耳其無花果，

唔單只可以用嚟當涼果咁食，

仲可以煲粥仔俾BB仔食添!

而我就用無花果嚟煲湯俾家人飲啦!

健脾開胃架!

 

 

韭菜花炒鮮魷!

呢排D韭菜花幾嫩，

$9有3大扎，

梗係要買嚟食下啦!

今日用咗鮮魷魚炒呀!

嘻嘻，

攞咗個甘筍較飛，

學日整心心甘筍呀!