又大一歲啦!
雖然仲有一日先到，
但係母親大人佢哋今日book咗間酒樓房，
請我唱K、麻雀耍樂兼食晚飯，
(不過唔出錢俾我打牌呀!)
為咗答謝家人嘅厚愛，
我專登整咗個芝士蛋糕請大家食，
希望佢哋鐘意啦!
慶生的第一炮~藍莓芝士蛋糕!
材料:
忌廉芝士250g、忌廉200g、鮮奶200g、糖2湯匙、牛油30g、雖然仲有一日先到，
但係母親大人佢哋今日book咗間酒樓房，
請我唱K、麻雀耍樂兼食晚飯，
(不過唔出錢俾我打牌呀!)
為咗答謝家人嘅厚愛，
我專登整咗個芝士蛋糕請大家食，
希望佢哋鐘意啦!
慶生的第一炮~藍莓芝士蛋糕!
麥維他消化餅8塊、2隻蛋、麵粉2湯匙、檸檬汁半湯匙和粒粒藍莓果醬
做法: 將麥維他消化餅搓碎，加入已叮溶嘅牛油，放入餅模內壓平後，
入雪櫃雪一陣；將蛋打勻好備用；忌廉芝士放於室溫一小時，
用叉搓散忌廉芝士，加蛋液、牛奶、忌廉、檸檬汁和糖打勻；
將麵粉過篩後加入芝士粉漿內攪勻；
預熱焗爐170度15分鐘，並加水入焗盆；
將芝士粉漿過篩2次後倒入蛋糕模內，輕輕"凳"佢幾下，
等D氣泡浮面後，用牙籤刺穿D泡泡，用鍚紙包好蛋糕模底，
座在水焗盆中用上下火焗45分鐘，最後15分鐘轉上火焗蛋糕面，
小心睇住爐火，以免焗燶和焗爆面，取出蛋糕後待涼後，
在芝士蛋糕面塗上粒粒藍莓果醬，放入雪櫃雪隔夜。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!